chitwan ki kahun ki ishaaraat ki garmi

Nazeer Akbarabadi

chitwan ki kahun ki ishaaraat ki garmi

Nazeer Akbarabadi

MORE BYNazeer Akbarabadi

    chitvan kahūñ ki ishārāt garmī

    hai nām-e-ḳhudā us meñ har ek baat garmī

    rone se mire us ko araq aa gayā yaaro

    sach hai ki burī hotī hai barsāt garmī

    Tuk phuul chhuā thā so nazākat se ka.ī baar

    rah rah ke dikhā.ī mujhe gul-hāt garmī

    khulvāte bundoñ ke badan garm ho aayā

    shāyad ki lagī us ko mire haat garmī

    jaltā huuñ maiñ aur sho.ale nahīñ dete dikhā.ī

    hai ishq meñ yaaro ye tilismāt garmī

    rahnā hai koī din to samajh jā.iyo ai dil

    yaañ phir vahī Thahrī hai mulāqāt garmī

    garmī thī kahīñ aah ham afsurda-diloñ meñ

    saaqī faqat hai ye ināyāt garmī

    aate jo tum mere gale lag ga.e vallāh

    us vaqt to is garmī ne sab maat garmī

    kahtā hai vo jis dam ki chalo ham se na bolo

    is baat meñ hai aur ek baat garmī

    sab poch hai zāhir ye shoḳhī-o-sharārat

    ma.ashūq meñ jab tak ki na ho zaat garmī

    tum ġhussa ho qahr ho ātish ho ġhazab ho

    ab ham ne ye sab dil pe musāvāt garmī

    yā-hazrat-e-dil tum to baḌe sāhib-e-dil the

    rakhte the bahut apne kamālāt garmī

    ek nigah-e-garm se bas ho ga.e tum sard

    ab kahiye kahāñ hai vo karāmāt garmī

    yuuñ garmi-e-sohbat to bahut hogī 'nazīr' aah

    par yaar na bhūlegī mujhe raat garmī

    chitwan ki kahun ki ishaaraat ki garmi

    hai nam-e-KHuda us mein har ek baat ki garmi

    rone se mere us ko araq aa gaya yaro

    sach hai ki buri hoti hai barsat ki garmi

    Tuk phul chhua tha so nazakat se kai bar

    rah rah ke dikhai mujhe gul-hat ki garmi

    khulwate hi bundon ke badan garm ho aaya

    shayad ki lagi us ko mere hat ki garmi

    jalta hun main aur shoale nahin dete dikhai

    hai ishq mein yaro ye tilismat ki garmi

    rahna hai koi din to samajh jaiyo ai dil

    yan phir wahi Thahri hai mulaqat ki garmi

    garmi thi kahin aah hum afsurda-dilon mein

    saqi ki faqat hai ye inayat ki garmi

    aate hi jo tum mere gale lag gae wallah

    us waqt to is garmi ne sab mat ki garmi

    kahta hai wo jis dam ki chalo hum se na bolo

    is baat mein hai aur hi ek baat ki garmi

    sab poch hai zahir ki ye shoKHi-o-shararat

    mashuq mein jab tak ki na ho zat ki garmi

    tum ghussa ho ya qahr ho aatish ho ghazab ho

    ab hum ne ye sab dil pe musawat ki garmi

    ya-hazrat-e-dil tum to baDe sahib-e-dil the

    rakhte the bahut apne kamalat ki garmi

    ek hi nigah-e-garm se bas ho gae tum sard

    ab kahiye kahan hai wo karamat ki garmi

    yun garmi-e-sohbat to bahut hogi 'nazir' aah

    par yar na bhulegi mujhe raat ki garmi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY