chup raho tum bhi tumhaari bhi zabani aur hai

chup raho tum bhī tumhārī bhī zabānī aur hai

mujh se hī merī suno merī kahānī aur hai

ek ko din se ḳhushī hai dūsre ko raat se

din kā raaja aur hai rātoñ kī raanī aur hai

ik tire ġham par bahā hai ek jalve par tire

ashk-e-dīda aur hai diide kā paanī aur hai

ye nahīñ vo āb-e-bārāñ bārhā jo mil sake

kaam hī meñ lā ki āb-e-zindagānī aur hai

aañkh se utrā to āñkheñ tum chaḌhāoge miyāñ

dekh lenā ye ḳhumār-e-ḳhush-gumānī aur hai

zindagī ke baa'd terī maut ‘aḳhtar-āzmī'

kah rahī hai zindagī kī ik kahānī aur hai

chup raho tum bhi tumhaari bhi zabani aur hai

mujh se hi meri suno meri kahani aur hai

ek ko din se KHushi hai dusre ko raat se

din ka raja aur hai raaton ki rani aur hai

ek tere gham par baha hai ek jalwe par tere

ashk-e-dida aur hai dide ka pani aur hai

ye nahin wo aab-e-baran barha jo mil sake

kaam hi mein la ki aab-e-zindagani aur hai

aankh se utra to aankhen tum chaDhaoge miyan

dekh lena ye KHumar-e-KHush-gumani aur hai

zindagi ke ba'd teri maut ‘aKHtar-azmi'

kah rahi hai zindagi ki ek kahani aur hai