chupke-chupke aankh jo sharma rahi hai

chupke-chupke aañkh jo sharmā rahī hai

phir kahānī ishq kī dohrā rahī hai

dhīmī dhīmī tishnagī kī lazzatoñ se

lamha lamha rut badaltī jā rahī hai

vo thakan jo manziloñ tak aa ga.ī thī

ab laboñ par muskurātī jā rahī hai

manzaroñ se kis qadar māyūsiyāñ haiñ

duur tak ik ḳhāmushī lahrā rahī hai

vo nazar jo sochtī hī rah ga.ī thī

ab udāsī kā chalan apnā rahī hai

phir kisī harf-e-tahī ke zā.iqe kī

aarzū hoñToñ pe sajtī jā rahī hai

sochtī sī tishnagī harf-o-sadā kī

ek nuqte par simaTtī jā rahī hai

kuchh ujāloñ kuchh añdheroñ meñ baTī sī

zindagī sad-rang hotī jā rahī hai

phir kisī mafhūm-e-avval kī ḳhabar sī

ik madhur muskān khiltī jā rahī hai

kuchh javāñ sī qurbatoñ kī sansanāhaT

shabnamī rishtoñ meñ Dhaltī jā rahī hai

chupke-chupke aankh jo sharma rahi hai

phir kahani ishq ki dohra rahi hai

dhimi dhimi tishnagi ki lazzaton se

lamha lamha rut badalti ja rahi hai

wo thakan jo manzilon tak aa gai thi

ab labon par muskuraati ja rahi hai

manzaron se kis qadar mayusiyan hain

dur tak ek KHamushi lahra rahi hai

wo nazar jo sochti hi rah gai thi

ab udasi ka chalan apna rahi hai

phir kisi harf-e-tahi ke zaiqe ki

aarzu honTon pe sajti ja rahi hai

sochti si tishnagi harf-o-sada ki

ek nuqte par simaTti ja rahi hai

kuchh ujalon kuchh andheron mein baTi si

zindagi sad-rang hoti ja rahi hai

phir kisi mafhum-e-awwal ki KHabar si

ek madhur muskan khilti ja rahi hai

kuchh jawan si qurbaton ki sansanahaT

shabnami rishton mein Dhalti ja rahi hai