chura ke mere taq se kitab koi le gaya
churā ke mere taaq se kitāb koī le gayā
mirī tamām umr kā hisāb koī le gayā
ye vāqi.a hai jab luTī mire chaman kī aabrū
laraztī shāḳh rah ga.ī gulāb koī le gayā
vahī to ik zarīya-e-najāt mere paas thā
magar mire zamīr kā savāb koī le gayā
savāl ban ke rū-ba-rū khaḌī huī thī zindagī
mirā lahū nichoḌ kar javāb koī le gayā
mire badan meñ chubh rahī thiiñ sūiyāñ sī raat bhar
sahar huī to lutf-e-iztirāb koī le gayā
chhupā liyā hai maiñ ne saarā dard apnī ruuh meñ
tasalliyoñ kā zāhirī naqāb koī le gayā
chura ke mere taq se kitab koi le gaya
meri tamam umr ka hisab koi le gaya
ye waqia hai jab luTi mere chaman ki aabru
larazti shaKH rah gai gulab koi le gaya
wahi to ek zariya-e-najat mere pas tha
magar mere zamir ka sawab koi le gaya
sawal ban ke ru-ba-ru khaDi hui thi zindagi
mera lahu nichoD kar jawab koi le gaya
mere badan mein chubh rahi thin suiyan si raat bhar
sahar hui to lutf-e-iztirab koi le gaya
chhupa liya hai main ne sara dard apni ruh mein
tasalliyon ka zahiri naqab koi le gaya
Source:
Rooh-e-Ghazal,Pachas Sala Intekhab (Pg. 205)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
