chura na aankh ko saqi ki baada-nosh hun main

churā na aañkh ko saaqī ki bāda-nosh huuñ maiñ

abhī to faisla hotā hai ek sāġhar par

marīz-e-ishq kī hālat kabhī na sañbhlegī

mujhe to chhoḌ de ai chāra-gar muqaddar par

hamāre naale bhī thak thak ke ab to baiTh rahe

ga.e vo din ki uThāte the āsmāñ sar par

hamāre mai-kada ko chhoḌ kar na jā zāhid

milegā qatra na kam-baḳht hauz-e-kausar par

gila na ham ne kiyā 'shauq' us sitamgar se

balā.eñ sab vo uThā.īñ jo aa paḌīñ sar par

chura na aankh ko saqi ki baada-nosh hun main

abhi to faisla hota hai ek saghar par

mariz-e-ishq ki haalat kabhi na sanbhlegi

mujhe to chhoD de ai chaara-gar muqaddar par

hamare nale bhi thak thak ke ab to baiTh rahe

gae wo din ki uThate the aasman sar par

hamare mai-kada ko chhoD kar na ja zahid

milega qatra na kam-baKHt hauz-e-kausar par

gila na hum ne kiya 'shauq' us sitamgar se

balaen sab wo uThain jo aa paDin sar par