daera mohabbat ka jis ki ye kahani hai

dā.era mohabbat kā jis kī ye kahānī hai

is taraf hai ik muflis duuje samt raanī hai

haa.e dil ye bechāra ḳhud kī bhī nahīñ suntā

dil kī dhaḌkanoñ pe ab us kī hukmrānī hai

dekh leñ agar us ko hosh meñ nahīñ rahte

husn kī hai devī yā hūr-e-āsmānī hai

sochtā huuñ jab us ko ḳhvāb meñ vo aa jaa.e

saath gar rahe us kā kyā hī shādmānī hai

vaa.e muflisī merī maiñ nahīñ thā is qābil

aa ga.ī vo pahlū meñ us kī mehrbānī hai

daera mohabbat ka jis ki ye kahani hai

is taraf hai ek muflis duje samt rani hai

hae dil ye bechaara KHud ki bhi nahin sunta

dil ki dhaDkanon pe ab us ki hukmrani hai

dekh len agar us ko hosh mein nahin rahte

husn ki hai dewi ya hur-e-asmani hai

sochta hun jab us ko KHwab mein wo aa jae

sath gar rahe us ka kya hi shadmani hai

wae muflisi meri main nahin tha is qabil

aa gai wo pahlu mein us ki mehrbani hai