dagh-e-dil dagh-e-tamanna mil gaya
dāġh-e-dil dāġh-e-tamannā mil gayā
dil lagāne kā natīja mil gayā
us saḳhī kī bārgah meñ kyā kamī
jis ne jo kuchh us se māñgā mil gayā
un ke dāman tak pahuñch ab bhī nahīñ
ḳhaak meñ mil kar mujhe kyā mil gayā
ab kamī beshī kā ronā kis liye
jo muqaddar meñ likhā thā mil gayā
thī tire dar se talab har ek ko
muġhtanim hai jis ko jitnā mil gayā
saiñkaḌoñ ilzām lākhoñ tohmateñ
un se milne kā natīja mil gayā
likh ga.e vo mere madfan par 'nasīm'
ḳhaak meñ mil kar tujhe kyā mil gayā
dagh-e-dil dagh-e-tamanna mil gaya
dil lagane ka natija mil gaya
us saKHi ki bargah mein kya kami
jis ne jo kuchh us se manga mil gaya
un ke daman tak pahunch ab bhi nahin
KHak mein mil kar mujhe kya mil gaya
ab kami beshi ka rona kis liye
jo muqaddar mein likha tha mil gaya
thi tere dar se talab har ek ko
mughtanim hai jis ko jitna mil gaya
sainkaDon ilzam lakhon tohmaten
un se milne ka natija mil gaya
likh gae wo mere madfan par 'nasim'
KHak mein mil kar tujhe kya mil gaya
Source:
Riyaz-e-Naseem (Pg. 54)
-
- Edition: 1978
- Publisher: Jamal Printing Press, Delhi
- Year of Publication: 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
