dagh-e-gham-e-firaq miTaya na jaega
dagh-e-gham-e-firaq miTaya na jaega
Pandit Jawahar Nath Saqi
MORE BYPandit Jawahar Nath Saqi
dāġh-e-ġham-e-firāq miTāyā na jā.egā
jaltā huā charāġh bujhāyā na jā.egā
insāf apnā dāvar-e-mahshar se ho to ho
qaziya kisī se dil kā chukāyā na jā.egā
roko na chashm-e-shoḳh ko merī taraf se tum
āñkheñ haiñ dil nahīñ ki milāyā na jā.egā
hai dil meñ un ke ġhair kī sūrat basī huī
dil meñ bhī ab to un ko biThāyā na jā.egā
hai terī yaad dil meñ mare naqsh-kal-hajar
dil se tirā ḳhayāl miTāyā na jā.egā
'sāqī' hai tum ko milne kī jis gul kī aarzū
us se sar-e-mazār bhī aayā na jā.egā
dagh-e-gham-e-firaq miTaya na jaega
jalta hua charagh bujhaya na jaega
insaf apna dawar-e-mahshar se ho to ho
qaziya kisi se dil ka chukaya na jaega
roko na chashm-e-shoKH ko meri taraf se tum
aankhen hain dil nahin ki milaya na jaega
hai dil mein un ke ghair ki surat basi hui
dil mein bhi ab to un ko biThaya na jaega
hai teri yaad dil mein mare naqsh-kal-hajar
dil se tera KHayal miTaya na jaega
'saqi' hai tum ko milne ki jis gul ki aarzu
us se sar-e-mazar bhi aaya na jaega
Source:
Kulliyat-e-Saaqi (Pg. e-53 p-50)
- Author: Pandit Jawahar Nath Saqi
-
- Edition: 1926
- Publisher: Pandit Jawahar Nath Saqi
- Year of Publication: 1926
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
