daimi hai ishq aur ek daimi aawaz hai
dā.imī hai ishq aur ik dā.imī āvāz hai
mere kānoñ meñ abhī tak bas vahī āvāz hai
saath mere raat bhar jo jāgtī āvāz hai
kaun jaane ye to merī ruuh kī āvāz hai
hijr ke lamhoñ meñ ab tak ye ḳhabar kab ho sakī
jāgtī huuñ maiñ yā koī jāgtī āvāz hai
hijr jaise vasl meñ us ko sunā to yuuñ lagā
maut jaisī zindagī meñ zindagī āvāz hai
ajnabī sī manziloñ kī ajnabī sī raah meñ
ik mukammal ḳhvāb aur ik ḳhvāb sī āvāz hai
aane vaale daur meñ 'shāhīn' rahnā hai mujhe
sab kaheñge ye vahī ik dukh bharī āvāz hai
daimi hai ishq aur ek daimi aawaz hai
mere kanon mein abhi tak bas wahi aawaz hai
sath mere raat bhar jo jagti aawaz hai
kaun jaane ye to meri ruh ki aawaz hai
hijr ke lamhon mein ab tak ye KHabar kab ho saki
jagti hun main ya koi jagti aawaz hai
hijr jaise wasl mein us ko suna to yun laga
maut jaisi zindagi mein zindagi aawaz hai
ajnabi si manzilon ki ajnabi si rah mein
ek mukammal KHwab aur ek KHwab si aawaz hai
aane wale daur mein 'shahin' rahna hai mujhe
sab kahenge ye wahi ek dukh bhari aawaz hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
