daman-e-dil khinchti hai teri duzdida nazar

dāman-e-dil khīñchtī hai terī duzdīda nazar

tham sī jaatī hai ḳhudāyā gardish-e-shām-o-sahar

chehra-e-zebā hai tū maiñ shā’ir-e-rangīñ-bayāñ

mahv-e-ārā.ish hai tū ā.īna-e-hairat idhar

Dast-e-qudrat ne tarāshā sang-e-marmar sā badan

irtikāb-e-jurm-e-kīna meñ magan shams-o-qamar

kunj-e-ḳhalvat meñ hasīñ tasvīr sargarm-e-suḳhan

dil-nashīñ hai terī firdaus-e-taḳhayyul kā safar

jhīl-āñkhoñ meñ jo Duubā to khulā rāz-e-kuhan

aa gayā 'kāmī' ġhazal kahne kā mujh ko bhī hunar

daman-e-dil khinchti hai teri duzdida nazar

tham si jati hai KHudaya gardish-e-sham-o-sahar

chehra-e-zeba hai tu main sha’ir-e-rangin-bayan

mahw-e-araish hai tu aaina-e-hairat idhar

Dast-e-qudrat ne tarasha sang-e-marmar sa badan

irtikab-e-jurm-e-kina mein magan shams-o-qamar

kunj-e-KHalwat mein hasin taswir sargarm-e-suKHan

dil-nashin hai teri firdaus-e-taKHayyul ka safar

jhil-ankhon mein jo Duba to khula raaz-e-kuhan

aa gaya 'kaami' ghazal kahne ka mujh ko bhi hunar