daman-e-husn mein har ashk-e-tamanna rakh do
dāman-e-husn meñ har ashk-e-tamannā rakh do
diin kī raah meñ hañgāma-e-duniyā rakh do
zulm ke sāmne iḳhlās kā parda rakh do
nok-e-har-ḳhār pe barg-e-gul-e-ra.anā rakh do
apnī tārīḳh ke aurāq ulaTnā haiñ agar
gulshan-e-aish pe taptā huā sahrā rakh do
jis se vābasta rahe Dūbne vaale kī umiid
ek tinkā hī sahī tum lab-e-dariyā rakh do
tum jo chāho ki mire lab bhī na khulne paa.eñ
mere aage mirī taqdīr kā chehra rakh do
roz-e-raushan kī tarah hoñgī munavvar rāteñ
chand sho.ale jo sar-e-bazm-e-tamannā rakh do
ek āvāz sī aatī hai haram se shāyad
mai-kade vaalo zarā sāġhar-o-mīnā rakh do
daman-e-husn mein har ashk-e-tamanna rakh do
din ki rah mein hangama-e-duniya rakh do
zulm ke samne iKHlas ka parda rakh do
nok-e-har-KHar pe barg-e-gul-e-rana rakh do
apni tariKH ke auraq ulaTna hain agar
gulshan-e-aish pe tapta hua sahra rakh do
jis se wabasta rahe Dubne wale ki umid
ek tinka hi sahi tum lab-e-dariya rakh do
tum jo chaho ki mere lab bhi na khulne paen
mere aage meri taqdir ka chehra rakh do
roz-e-raushan ki tarah hongi munawwar raaten
chand shoale jo sar-e-bazm-e-tamanna rakh do
ek aawaz si aati hai haram se shayad
mai-kade walo zara saghar-o-mina rakh do
Source:
Mehrab-e-Tamanna (Pg. 59)
- Author: Fitrat Ansari
-
- Edition: 1982
- Publisher: Bazm-e-Urdu Adab, Sikandrabad
- Year of Publication: 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
