Dar se uski na irfan juda kar usko

Daar se us kī na 'irfān' judā kar us ko

khol ye band-e-vafā aur rihā kar us ko

nazar aane lage apne hī ḳhad-o-ḳhāl-e-zavāl

aur dekhā karo ā.īna banā kar us ko

āḳhir-e-shab huī āġhāz kahānī apnī

ham ne paayā bhī to ik umr gañvā kar us ko

dekhte haiñ to lahū jaise rageñ toḌtā hai

ham to mar jā.eñge siine se lagā kar us ko

tere vīrāne meñ honā thā ujālā na huā

kyā milā ai dil-e-saffāk jalā kar us ko

aur ham DhūñDte rah jā.eñge ḳhushbū kā surāġh

abhī le jā.egī ik mauj uḌā kar us ko

Dar se us ki na 'irfan' juda kar us ko

khol ye band-e-wafa aur riha kar us ko

nazar aane lage apne hi KHad-o-KHal-e-zawal

aur dekha karo aaina bana kar us ko

aaKHir-e-shab hui aaghaz kahani apni

hum ne paya bhi to ek umr ganwa kar us ko

dekhte hain to lahu jaise ragen toDta hai

hum to mar jaenge sine se laga kar us ko

tere virane mein hona tha ujala na hua

kya mila ai dil-e-saffak jala kar us ko

aur hum DhunDte rah jaenge KHushbu ka suragh

abhi le jaegi ek mauj uDa kar us ko