dastan-e-dard-e-dil ahl-e-wafa kahne lage
dāstān-e-dard-e-dil ahl-e-vafā kahne lage
ya.anī har āvāz ko terī sadā kahne lage
lījiye phir toḌ dī yāroñ ne zanjīr-e-sukūt
lījiye ham zindagī kā marsiya kahne lage
ye bhī apnī tañg-nazarī kī hai ik vāzeh dalīl
ham jo har chehre ko ab ik aa.ina kahne lage
phir na.ī tahzīb kā ik baab raushan ho gayā
log phir ab dāstān-e-irtiqā kahne lage
itnī āvāra-mizājī bhī 'ayāz' achchhī nahīñ
dekh tere baare meñ ab log kyā kahne lage
dastan-e-dard-e-dil ahl-e-wafa kahne lage
yani har aawaz ko teri sada kahne lage
lijiye phir toD di yaron ne zanjir-e-sukut
lijiye hum zindagi ka marsiya kahne lage
ye bhi apni tang-nazari ki hai ek wazeh dalil
hum jo har chehre ko ab ek aaina kahne lage
phir nai tahzib ka ek bab raushan ho gaya
log phir ab dastan-e-irtiqa kahne lage
itni aawara-mizaji bhi 'ayaz' achchhi nahin
dekh tere bare mein ab log kya kahne lage
Source:
Rooh-e-Ghazal,Pachas Sala Intekhab (Pg. 725)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
