dastanon mein mile the dastan rah jaenge
dāstānoñ meñ mile the dāstāñ rah jā.eñge
umr būḌhī ho to ho ham naujavāñ rah jā.eñge
shaam hote hī gharoñ ko lauT jaanā hai hameñ
sāhiloñ par sirf qadmoñ ke nishāñ rah jā.eñge
ham kisī ke dil meñ rahnā chāhte the is tarah
jis tarah ab guftugū ke darmiyāñ rah jā.eñge
ḳhvāb ko har ḳhvāb kī ta.abīr miltī hai kahāñ
kuchh ḳhayāl aise bhī haiñ jo rā.egāñ rah jā.eñge
kis ne sochā thā ki rañg-o-nūr kī bārish ke ba.ad
ham faqat bujhte charāġhoñ kā dhuāñ rah jā.eñge
zindagī be-nām rishtoñ ke sivā kuchh bhī nahīñ
jism kis ke saath hoñge dil kahāñ rah jā.eñge
dastanon mein mile the dastan rah jaenge
umr buDhi ho to ho hum naujawan rah jaenge
sham hote hi gharon ko lauT jaana hai hamein
sahilon par sirf qadmon ke nishan rah jaenge
hum kisi ke dil mein rahna chahte the is tarah
jis tarah ab guftugu ke darmiyan rah jaenge
KHwab ko har KHwab ki tabir milti hai kahan
kuchh KHayal aise bhi hain jo raegan rah jaenge
kis ne socha tha ki rang-o-nur ki barish ke baad
hum faqat bujhte charaghon ka dhuan rah jaenge
zindagi be-nam rishton ke siwa kuchh bhi nahin
jism kis ke sath honge dil kahan rah jaenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
