dawe bulandiyon ke karen kis zaban se hum

da.ave bulandiyoñ ke kareñ kis zabāñ se ham

ḳhud aa ga.e zamīn pe jab āsmāñ se ham

ham ko bhī maslahat ne siyāsī banā diyā

pahle kahāñ mukarte the apnī zabāñ se ham

donoñ qadam baḌhā.eñ miTāne ko nafrateñ

āġhāz tum vahāñ se karo aur yahāñ se ham

raste kī har nigāh tujhe pūchhtī milī

guzre tire baġhair jidhar se jahāñ se ham

ham dhuup ke bajā.e ghanī chhāñv se jale

thā ḳhauf rahzanoñ kā luTe pāsbāñ se ham

paḌhnā jise fuzūl samajhtī hai nasl-e-nau

mash.hūr ho ga.e isī urdu zabāñ se ham

tab dushmanoñ ke baab meñ socheñ 'farāz' ham

fursat zarā jo paa.eñ ġham-e-dostāñ se ham

dawe bulandiyon ke karen kis zaban se hum

KHud aa gae zamin pe jab aasman se hum

hum ko bhi maslahat ne siyasi bana diya

pahle kahan mukarte the apni zaban se hum

donon qadam baDhaen miTane ko nafraten

aaghaz tum wahan se karo aur yahan se hum

raste ki har nigah tujhe puchhti mili

guzre tere baghair jidhar se jahan se hum

hum dhup ke bajae ghani chhanw se jale

tha KHauf rahzanon ka luTe pasban se hum

paDhna jise fuzul samajhti hai nasl-e-nau

mashhur ho gae isi urdu zaban se hum

tab dushmanon ke bab mein sochen 'faraaz' hum

fursat zara jo paen gham-e-dostan se hum