daftar-e-lauh o qalam ya dar-e-gham khulta hai

Waheed Akhtar

daftar-e-lauh o qalam ya dar-e-gham khulta hai

Waheed Akhtar

MORE BYWaheed Akhtar

    daftar-e-lauh o qalam dar-e-ġham khultā hai

    hoñT khulte haiñ to ik bāb-e-sitam khultā hai

    harf-e-inkār hai kyuuñ nār-e-jahannam halīf

    sirf iqrār pe kyuuñ bāb-e-iram khultā hai

    aabrū ho na jo pyārī to ye duniyā hai saḳhī

    haath phailāo to ye tarz-e-karam khultā hai

    māñgne vāloñ ko kyā izzat o rusvā.ī se

    dene vāloñ amīrī bharam khultā hai

    band āñkheñ rahīñ melā hai luTeroñ lagā

    ashk luT jaate haiñ jab dīda-e-nam khultā hai

    jaan dene meñ jo lazzat hai bachāne meñ kahāñ

    dil kisī se jo bañdhe uqda-e-ġham khultā hai

    saath rahtā hai sadā mahfil o tanhā.ī meñ

    dil-e-ram-ḳhurdā magar ham se bhī kam khultā hai

    dekho pastī se to har ek bulandī hai raaz

    jāda-e-koh faqat zer-e-qadam khultā hai

    qarz adā karnā hai jaañ to chalo maqtal meñ

    khiñch ga.ī baag bajā tabl-o-alam khultā hai

    daftar-e-lauh o qalam ya dar-e-gham khulta hai

    honT khulte hain to ek bab-e-sitam khulta hai

    harf-e-inkar hai kyun nar-e-jahannam ka halif

    sirf iqrar pe kyun bab-e-iram khulta hai

    aabru ho na jo pyari to ye duniya hai saKHi

    hath phailao to ye tarz-e-karam khulta hai

    mangne walon ko kya izzat o ruswai se

    dene walon ki amiri ka bharam khulta hai

    band aankhen rahin mela hai luTeron ka laga

    ashk luT jate hain jab dida-e-nam khulta hai

    jaan dene mein jo lazzat hai bachane mein kahan

    dil kisi se jo bandhe uqda-e-gham khulta hai

    sath rahta hai sada mahfil o tanhai mein

    dil-e-ram-KHurda magar hum se bhi kam khulta hai

    dekho pasti se to har ek bulandi hai raaz

    jada-e-koh faqat zer-e-qadam khulta hai

    qarz ada karna hai jaan ka to chalo maqtal mein

    khinch gai bag baja tabl-o-alam khulta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY