Dagar Dagar hain bandishen tera nagar kamal hai

Dagar Dagar haiñ bandisheñ tirā nagar kamāl hai

haiñ lahr lahr sāzisheñ nadī nadī meñ jaal hai

ye jang bhī ajiib hai ki ham haiñ mubtalā-e-jang

jo aap ke haiñ aslahe to apnī sirf Dhaal hai

hai apne qāfile kā rāhzan hī apnā rahnumā

jo tum kaho misāl hai to ham kaheñ zavāl hai

haiñ manzileñ bhī gum-shuda to rāste bhī kho ga.e

ye kaisā moḌ aa gayā qadam qadam muhāl hai

ajiib ik bahāo sā mire vajūd meñ nihāñ

nazar nazar ḳhamosh hai lahū lahū ubaal hai

uTho ki DhūñDnī hai phir vo chāñdnī vo raushnī

ye ruuh so ga.ī hai kyoñ ye jism kyoñ niDhāl hai

Dagar Dagar hain bandishen tera nagar kamal hai

hain lahr lahr sazishen nadi nadi mein jal hai

ye jang bhi ajib hai ki hum hain mubtala-e-jang

jo aap ke hain aslahe to apni sirf Dhaal hai

hai apne qafile ka rahzan hi apna rahnuma

jo tum kaho misal hai to hum kahen zawal hai

hain manzilen bhi gum-shuda to raste bhi kho gae

ye kaisa moD aa gaya qadam qadam muhaal hai

ajib ek bahao sa mere wajud mein nihan

nazar nazar KHamosh hai lahu lahu ubaal hai

uTho ki DhunDni hai phir wo chandni wo raushni

ye ruh so gai hai kyon ye jism kyon niDhaal hai