Dagmagate kabhi qadmon ko sambhalte dekha

Quaiser Khalid

Dagmagate kabhi qadmon ko sambhalte dekha

Quaiser Khalid

MORE BYQuaiser Khalid

    Dagmagāte kabhī qadmoñ ko sambhalte dekhā

    rāh-e-ulfat pe magar logoñ ko chalte dekhā

    nafrateñ mil ga.iiñ ma.asūm diloñ meñ akasr

    chāhatoñ ko dil-e-saffāk meñ palte dekhā

    hausla thā koī maqsad salīqa, us ko

    vaqt ke tund thapeḌoñ meñ sambhalte dekhā

    jin ko paalā thā bahāroñ ne jahāñ bhar kii, unheñ

    āzmā.ish kaḌī dhuup meñ jalte dekhā

    be-jhijhak chal na sakā dasht-e-vafā meñ ab tak

    rukte dekhā kabhī us shoḳh ko chalte dekhā

    sabza-o-gul pe havā rakhtī hai shabnam lekin

    phir havā ko un qatroñ ko kuchalte dekhā

    shahar shahar se bāhar nahīñ, apne ghar meñ

    ham ne aqdār-e-zamāna ko badalte dekhā

    āzmā.ish hai, ijāzat hai ki majbūrī hai

    zulm ko ham ne yahāñ phūlte-phalte dekhā

    ātish-e-ishq se bachiye ki yahāñ ham ne bhī

    mom tarah se patthar ko pighalte dekhā

    apne jazbāt to mash.hūr the lekin ham ne

    the jo hoshyār bahut un ko ubalte dekhā

    Daal pairoñ meñ us shaḳhs ke zanjīr yahāñ

    vaqt ne jis ko zamāne meñ uchhalte dekhā

    buzla-sanjī pe bahut naaz thā jin ko apnī

    ham ne un ko bhī yahāñ zahr ugalte dekhā

    roz ye mashriq-o-maġhrib tamāsha kyuuñ hai

    ugte dekhā hai jise us ko Dhalte dekhā

    aa gayā yaad vo bachpan zamāna 'ḳhālid'

    jab kahīñ phuul se bachchoñ ko uchhalte dekhā

    Dagmagate kabhi qadmon ko sambhalte dekha

    rah-e-ulfat pe magar logon ko chalte dekha

    nafraten mil gain masum dilon mein akasr

    chahaton ko dil-e-saffak mein palte dekha

    hausla tha koi maqsad ya saliqa, us ko

    waqt ke tund thapeDon mein sambhalte dekha

    jin ko pala tha bahaaron ne jahan bhar ki, unhen

    aazmaish ki kaDi dhup mein jalte dekha

    be-jhijhak chal na saka dasht-e-wafa mein ab tak

    rukte dekha kabhi us shoKH ko chalte dekha

    sabza-o-gul pe hawa rakhti hai shabnam lekin

    phir hawa ko un hi qatron ko kuchalte dekha

    shahar ya shahar se bahar nahin, apne ghar mein

    hum ne aqdar-e-zamana ko badalte dekha

    aazmaish hai, ijazat hai ki majburi hai

    zulm ko hum ne yahan phulte-phalte dekha

    aatish-e-ishq se bachiye ki yahan hum ne bhi

    mom ki tarah se patthar ko pighalte dekha

    apne jazbaat to mashhur the lekin hum ne

    the jo hoshyar bahut un ko ubalte dekha

    Dal di pairon mein us shaKHs ke zanjir yahan

    waqt ne jis ko zamane mein uchhalte dekha

    buzla-sanji pe bahut naz tha jin ko apni

    hum ne un ko bhi yahan zahr ugalte dekha

    roz ye mashriq-o-maghrib ka tamasha kyun hai

    ugte dekha hai jise us ko hi Dhalte dekha

    aa gaya yaad wo bachpan ka zamana 'KHalid'

    jab kahin phul se bachchon ko uchhalte dekha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now