dair mein hai wo na kabe mein na but-KHane mein hai

dair meñ hai vo na ka.abe meñ na but-ḳhāne meñ hai

DhūñDhtā huuñ jis ko maiñ vo mere kāshāne meñ hai

ye tirā husn-e-tasavvur tere kāshāne meñ hai

tū na ābādī meñ hai ġhāfil na vīrāne meñ hai

hai bajā-e-ḳhud zamāna bekasī meñ mubtalā

ab muravvat kā nishāñ apne na begāne meñ hai

us kī hasrat dekhiye us kā kaleja dekhiye

raaz jis kī zindagī kā us ke mar jaane meñ hai

asl meñ ai sham.a tū hai maḳhzan-e-soz-o-gudāz

tujh se jo kuchh bach rahā vo soz parvāne meñ hai

mujh ko jannat se koī matlab na kausar se ġharaz

mere hisse kī vahī mai hai jo paimāne meñ hai

raushnī tāroñ se hotī hai na sham.oñ se ziyā

kyā zamāne kī siyāhī mere ġham-ḳhāne meñ hai

maiñ nahīñ kahtā magar maiñ ne sunā hai bārhā

jannat-ul-firdaus kī ik raah maiḳhāne meñ hai

maiñ jo rotā huuñ to rotā hai zamāna mere saath

ġham zamāne-bhar kā 'shaukat' mere afsāne meñ hai

dair mein hai wo na kabe mein na but-KHane mein hai

DhunDhta hun jis ko main wo mere kashane mein hai

ye tera husn-e-tasawwur tere kashane mein hai

tu na aabaadi mein hai ghafil na virane mein hai

hai baja-e-KHud zamana bekasi mein mubtala

ab murawwat ka nishan apne na begane mein hai

us ki hasrat dekhiye us ka kaleja dekhiye

raaz jis ki zindagi ka us ke mar jaane mein hai

asl mein ai shama tu hai maKHzan-e-soz-o-gudaz

tujh se jo kuchh bach raha wo soz parwane mein hai

mujh ko jannat se koi matlab na kausar se gharaz

mere hisse ki wahi mai hai jo paimane mein hai

raushni taron se hoti hai na shamon se ziya

kya zamane ki siyahi mere gham-KHane mein hai

main nahin kahta magar main ne suna hai barha

jannat-ul-firdaus ki ek rah maiKHane mein hai

main jo rota hun to rota hai zamana mere sath

gham zamane-bhar ka 'shaukat' mere afsane mein hai