dair-o-haram hain manzar-e-ain-e-iKHtilaf

dair-o-haram haiñ manzar-e-ā.īn-e-iḳhtilāf

haq par sadā nazar hai mirī hīn-e-iḳhtilāf

bairūn-e-dar haiñ sūrat-o-ma.anī ke parda-dār

haiñ parda-e-ḳhifā meñ qavānīn-e-iḳhtilāf

hai barqarār gardish-e-daurān-e-rozgār

nairañgī-e-ḳhayāl hai ā.īn-e-iḳhtilāf

mamnūn-e-rāstī hai har ik nuqta-e-nazar

madd-e-nazar jahāñ meñ hai tamkīn-e-iḳhtilāf

kyā pāra-hā-e-pairahan-e-uns baḳhiya hoñ

jab hoñ udheḌ-bun meñ majānīn-e-iḳhtilāf

lāzim hameñ hai qat-e-nazar madh-o-zam se ab

tahsīn-e-ittifāq hai nafrīn-e-iḳhtilāf

dildāriyāñ kahāñ haiñ vo 'sāhir' kabhī jo thiiñ

ḳhātir-shikan haiñ ab to mazāmīn-e-iḳhtilāf

dair-o-haram hain manzar-e-ain-e-iKHtilaf

haq par sada nazar hai meri hin-e-iKHtilaf

bairun-e-dar hain surat-o-mani ke parda-dar

hain parda-e-KHifa mein qawanin-e-iKHtilaf

hai barqarar gardish-e-dauran-e-rozgar

nairangi-e-KHayal hai aain-e-iKHtilaf

mamnun-e-rasti hai har ek nuqta-e-nazar

madd-e-nazar jahan mein hai tamkin-e-iKHtilaf

kya para-ha-e-pairahan-e-uns baKHiya hon

jab hon udheD-bun mein majaanin-e-iKHtilaf

lazim hamein hai qat-e-nazar madh-o-zam se ab

tahsin-e-ittifaq hai nafrin-e-iKHtilaf

dildariyan kahan hain wo 'sahir' kabhi jo thin

KHatir-shikan hain ab to mazamin-e-iKHtilaf