dair-o-kaba ki azmat musallam magar

Om Prakash Laghar

dair-o-kaba ki azmat musallam magar

Om Prakash Laghar

MORE BYOm Prakash Laghar

    dair-o-ka.aba azmat musallam magar

    mai-kada bhī ḳhudā ke ghar lage

    chāñd tāroñ jo de rahā hai ḳhabar

    dekhne meñ to vo be-ḳhabar lage

    gumrahī meñ bhī dīvāna-e-dil-figār

    manzil-e-hosh rāhbar lage

    ye jahāñ rashk-e-jannat hai kis ke liye

    aur kisī ko yahī dard-e-sar lage

    jhiil meñ adh-khile phuul par chāñdnī

    ham ko manzar ye terī nazar lage

    sham-e-bazm-e-adab thā vo kal tak magar

    aaj 'lāġhar' charāġh-e-sahar lage

    dair-o-kaba ki azmat musallam magar

    mai-kada bhi KHuda hi ke ghar sa lage

    chand taron ki jo de raha hai KHabar

    dekhne mein to wo be-KHabar sa lage

    gumrahi mein bhi diwana-e-dil-figar

    manzil-e-hosh ka rahbar sa lage

    ye jahan rashk-e-jannat hai kis ke liye

    aur kisi ko yahi dard-e-sar sa lage

    jhil mein adh-khile phul par chandni

    hum ko manzar ye teri nazar sa lage

    sham-e-bazm-e-adab tha wo kal tak magar

    aaj 'laghar' charagh-e-sahar sa lage

    Source :
    • Book : Nuquush-e-daaG (Pg. 250)
    • Author : Sahir Hoshiyarpuri
    • Publication : Haryana Urdu Acadami (1992)
    • Edition : 1992
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now