dam-e-aKHir bhi shikwa kya na karta

dam-e-āḳhir bhī shikva kyā na kartā

tumhīñ batlāo martā kyā na kartā

sahar kī shaam se juuñ shām-e-giryāñ

jigar thā aab rotā kyā na kartā

agar rahtā na chup pesh-e-nakīrain

maiñ kyā kartā akelā kyā na kartā

qazā kā Dar na hotā gar bashar ko

ḳhudā jaane ye banda kyā na kartā

zabāñ hotī jo goyā har sanam 'shād'

ḳhudāvandī kā da.avā kyā na kartā

dam-e-aKHir bhi shikwa kya na karta

tumhin batlao marta kya na karta

sahar ki sham se jun sham-e-giryan

jigar tha aab rota kya na karta

agar rahta na chup pesh-e-nakirain

main kya karta akela kya na karta

qaza ka Dar na hota gar bashar ko

KHuda jaane ye banda kya na karta

zaban hoti jo goya har sanam 'shad'

KHudawandi ka dawa kya na karta