dar-asl kar gai hain dil mein ghar teri aankhen

dar-asl kar ga.ī haiñ dil meñ ghar tirī āñkheñ

haiñ muddatoñ se mirī ham-safar tirī āñkheñ

sunā hai lutf-o-‘ināyat hai aur logoñ par

hamāre haal se haiñ be-ḳhabar tirī āñkheñ

añdhere kā koī nām-o-nishān hī na rahe

udhar ho raushnī dekheñ jidhar tirī āñkheñ

ye aur baat ki iz.hār ho nahīñ saktā

nigāh-o-dil meñ basī haiñ magar tirī āñkheñ

mujhe bhī to ka.ī ash'ār shab meñ kahne the

pareshāñ kartī rahīñ rāt-bhar tirī āñkheñ

tasavvurāt meñ jaarī rahā safar 'adnān'

judā huiiñ na kisī moḌ par tirī āñkheñ

dar-asl kar gai hain dil mein ghar teri aankhen

hain muddaton se meri ham-safar teri aankhen

suna hai lutf-o-‘inayat hai aur logon par

hamare haal se hain be-KHabar teri aankhen

andhere ka koi nam-o-nishan hi na rahe

udhar ho raushni dekhen jidhar teri aankhen

ye aur baat ki izhaar ho nahin sakta

nigah-o-dil mein basi hain magar teri aankhen

mujhe bhi to kai ash'ar shab mein kahne the

pareshan karti rahin raat-bhar teri aankhen

tasawwuraat mein jari raha safar 'adnan'

juda huin na kisi moD par teri aankhen