dar-ba-dar kucha-ba-kucha kaT li

dar-ba-dar kūcha-ba-kūcha kaaT lī

zindagī lamha-ba-lamha kaaT lī

us ne mujh se haal yuuñ pūchhā mirā

kaT ga.ī yā rafta-rafta kaaT lī

sub.h aa.ī uTh ke daftar chal paḌe

raat be-shak zer-e-girya kaaT lī

kaash apnā ham-safar hotā koī

har masāfat ham ne tanhā kaaT lī

ham ne us ko bevafā hone diyā

aap shah-rag be-irāda kaaT lī

bach ga.e farzāngī kī maar se

ab ke vahshat bā-salīqa kaaT lī

mausamoñ kā farq ham par ḳhaak ho

sard rut jab sar-barahna kaaT lī

tohmateñ ḳhāmoshiyoñ se kiiñ qubūl

phir sazā bhī sar-ḳhamīda kaaT lī

dar-ba-dar kucha-ba-kucha kaT li

zindagi lamha-ba-lamha kaT li

us ne mujh se haal yun puchha mera

kaT gai ya rafta-rafta kaT li

subh aai uTh ke daftar chal paDe

raat be-shak zer-e-girya kaT li

kash apna ham-safar hota koi

har masafat hum ne tanha kaT li

hum ne us ko bewafa hone diya

aap shah-rag be-irada kaT li

bach gae farzangi ki mar se

ab ke wahshat ba-saliqa kaT li

mausamon ka farq hum par KHak ho

sard rut jab sar-barahna kaT li

tohmaten KHamoshiyon se kin qubul

phir saza bhi sar-KHamida kaT li