dar-e-ufuq pe raqam raushni ka bab karen

dar-e-ufuq pe raqam raushnī kā baab kareñ

ye jī meñ hai ki sitāre ko āftāb kareñ

nigah meñ ghūmtī phirtī haiñ sūrateñ kyā kyā

kise ḳhayāl meñ laa.eñ kise ḳharāb kareñ

ye aarzū hai ki phūTeñ badan ke ḳheme se

aur apnī zaat ke sahrā meñ raqs-e-āb kareñ

mire hurūf-e-tahajjī kī kyā majāl ki vo

tujhe shumār meñ laa.eñ tirā hisāb kareñ

nahīñ hai shahr meñ koī bhī jāgne vaalā

kise kaheñ ki chalo sair-e-māhtāb kareñ

falak to gosh-bar-āvāz hai magar 'tābish'

na ho zabān hī muñh meñ to kyā ḳhitāb kareñ

dar-e-ufuq pe raqam raushni ka bab karen

ye ji mein hai ki sitare ko aaftab karen

nigah mein ghumti phirti hain suraten kya kya

kise KHayal mein laen kise KHarab karen

ye aarzu hai ki phuTen badan ke KHeme se

aur apni zat ke sahra mein raqs-e-ab karen

mere huruf-e-tahajji ki kya majal ki wo

tujhe shumar mein laen tera hisab karen

nahin hai shahr mein koi bhi jagne wala

kise kahen ki chalo sair-e-mahtab karen

falak to gosh-bar-awaz hai magar 'tabish'

na ho zaban hi munh mein to kya KHitab karen