dar-haqiqat hai ye sazish hadisa kahne ko hai

dar-haqīqat hai ye sāzish hādisa kahne ko hai

ab hamāre paas kyā is ke sivā kahne ko hai

kyā junūñ hai rāh-e-manzil meñ chubhe har ḳhaar ko

paañv kā har aabla bhī marhabā kahne ko hai

ham ko hai taslīm terī baat lekin jaan le

ye sarāsar zid hai terī iltijā kahne ko hai

ye tire tīr-e-nazar us par tirī zulmī adā

dil kā har ik zaḳhm terā shukriya kahne ko hai

ab to ye tūfāñ thame yā phir muqaddar saath de

sab ummīdeñ haiñ ḳhudā se nāḳhudā kahne ko hai

anjuman meñ hai tavajjoh sab kī yuuñ terī taraf

'rāz' tū kyā kah rahā hai aur kyā kahne ko hai

dar-haqiqat hai ye sazish hadisa kahne ko hai

ab hamare pas kya is ke siwa kahne ko hai

kya junun hai rah-e-manzil mein chubhe har KHar ko

panw ka har aabla bhi marhaba kahne ko hai

hum ko hai taslim teri baat lekin jaan le

ye sarasar zid hai teri iltija kahne ko hai

ye tere tir-e-nazar us par teri zulmi ada

dil ka har ek zaKHm tera shukriya kahne ko hai

ab to ye tufan thame ya phir muqaddar sath de

sab ummiden hain KHuda se naKHuda kahne ko hai

anjuman mein hai tawajjoh sab ki yun teri taraf

'raaz' tu kya kah raha hai aur kya kahne ko hai