Dar ke jiine se to behtar mirā mar jaanā hai
kū-e-jānāñ se guzarte hue ghar jaanā hai
mere haq meñ koī nīñdoñ kī duā.eñ kar de
mujh ko ḳhushiyoñ ke liye ḳhvāb nagar jaanā hai
kyoñ na āñkheñ mirī rone pe kamar-basta hoñ
aaj us ne mire ashkoñ ko guhar jaanā hai
is liye naaz hai dariyāoñ se nisbat rakh kar
un kā anjām samundar meñ utar jaanā hai
jis ko marnā hai mire bhiiḌ meñ rah kar 'anjum'
ho jahāñ taaza havā tujh ko udhar jaanā hai
Dar ke jine se to behtar mera mar jaana hai
ku-e-jaanan se guzarte hue ghar jaana hai
mere haq mein koi nindon ki duaen kar de
mujh ko KHushiyon ke liye KHwab nagar jaana hai
kyon na aankhen meri rone pe kamar-basta hon
aaj us ne mere ashkon ko guhar jaana hai
is liye naz hai dariyaon se nisbat rakh kar
un ka anjam samundar mein utar jaana hai
jis ko marna hai mere bhiD mein rah kar 'anjum'
ho jahan taza hawa tujh ko udhar jaana hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.