dar rahā sab pe jo suḳhanvar hai
she'r teġh-e-zabāñ kā jauhar hai
baat apnī ye sun ke kaan meñ Daal
aabrū misl-e-āb-e-gauhar hai
'ishq bin kyā kisī kā dil ho guzār
mom be-āg dekhe patthar hai
dil kā denā sarāsarī mat jaan
jaan par khelnā sarāsar hai
kyā muḳhālif hai is chaman kī havā
ḳhaar detā hai jo gul-e-tar hai
nok rakh lo barahna-pā.ī kī
ābād ḳhār-e-dasht nashtar hai
ab to jaate haiñ us gul meñ 'nasīm'
ho rahegā jo kuchh muqaddar hai
dar raha sab pe jo suKHanwar hai
she'r tegh-e-zaban ka jauhar hai
baat apni ye sun ke kan mein Dal
aabru misl-e-ab-e-gauhar hai
'ishq bin kya kisi ka dil ho guzar
mom be-ag dekhe patthar hai
dil ka dena sarasari mat jaan
jaan par khelna sarasar hai
kya muKHalif hai is chaman ki hawa
KHar deta hai jo gul-e-tar hai
nok rakh lo barahna-pai ki
aabaad KHar-e-dasht nashtar hai
ab to jate hain us gul mein 'nasim'
ho rahega jo kuchh muqaddar hai
Source:
Deewan-e-Naseem (Pg. 36)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.