Dara Dara ke wo mujhko baghi bana raha hai

Darā Darā ke vo mujh ko bāġhī banā rahā hai

hukūmatoñ ke liye tabāhī banā rahā hai

javāñ diloñ par ġhamoñ ke taale lage hue haiñ

aur ik vo būḌhā ḳhushī kī chābī banā rahā hai

sabhī ke hāthoñ meñ phone hai par qalam nahīñ hai

umiid le kar koī siyāhī banā rahā hai

tirī mohabbat se pahle Darpok shahrī thā maiñ

tirā nasha to mujhe sipāhī banā rahā hai

maiñ us kā raajā huuñ bachpane se par us kā abbā

use faqīroñ ke ghar kī raanī banā rahā hai

ḳhabar hai phailī ki tujh ko model hai bhāte tab se

har ek bachcha nagar meñ body banā rahā hai

tū us kī āñkhoñ ko dekh kar hī samajh le 'javvād'

vo sach chhupā kar faqat kahānī banā rahā hai

Dara Dara ke wo mujh ko baghi bana raha hai

hukumaton ke liye tabahi bana raha hai

jawan dilon par ghamon ke tale lage hue hain

aur ek wo buDha KHushi ki chabi bana raha hai

sabhi ke hathon mein phone hai par qalam nahin hai

umid le kar koi siyahi bana raha hai

teri mohabbat se pahle Darpok shahri tha main

tera nasha to mujhe sipahi bana raha hai

main us ka raja hun bachpane se par us ka abba

use faqiron ke ghar ki rani bana raha hai

KHabar hai phaili ki tujh ko model hai bhate tab se

har ek bachcha nagar mein body bana raha hai

tu us ki aankhon ko dekh kar hi samajh le 'jawwad'

wo sach chhupa kar faqat kahani bana raha hai