Dara ke mauj o talatum se ham-nashinon ko

Majrooh Sultanpuri

Dara ke mauj o talatum se ham-nashinon ko

Majrooh Sultanpuri

MORE BYMajrooh Sultanpuri

    Darā ke mauj o talātum se ham-nashīnoñ ko

    yahī to haiñ jo Duboyā kiye safīnoñ ko

    sharāb ho ga.ī hai ba-qadr-e-paimāna

    ba-azm-e-tark nichoḌā jab āstīnoñ ko

    jamāl-e-sub.h diyā rū-e-nau-bahār diyā

    mirī nigāh bhī detā ḳhudā hasīnoñ ko

    hamārī raah meñ aa.e hazār mai-ḳhāne

    bhulā sake na magar hosh ke qarīnoñ ko

    kabhī nazar bhī uThā.ī na sū-e-bāda-e-nāb

    kabhī chaḌhā ga.e pighlā ke ābgīnoñ ko

    yahī jahāñ hai jahannam yahī jahāñ firdaus

    batāo ālam-e-bālā ke sair-bīnoñ ko

    hue haiñ qāfile zulmat vādiyoñ meñ ravāñ

    charāġh-e-rāh kiye ḳhūñ-chakāñ jabīnoñ ko

    tujhe na maane koī tujh ko is se kyā 'majrūh'

    chal apnī raah bhaTakne de nukta-chīnoñ ko

    Dara ke mauj o talatum se ham-nashinon ko

    yahi to hain jo Duboya kiye safinon ko

    sharab ho hi gai hai ba-qadr-e-paimana

    ba-azm-e-tark nichoDa jab aastinon ko

    jamal-e-subh diya ru-e-nau-bahaar diya

    meri nigah bhi deta KHuda hasinon ko

    hamari rah mein aae hazar mai-KHane

    bhula sake na magar hosh ke qarinon ko

    kabhi nazar bhi uThai na su-e-baada-e-nab

    kabhi chaDha gae pighla ke aabginon ko

    yahi jahan hai jahannam yahi jahan firdaus

    batao aalam-e-baala ke sair-binon ko

    hue hain qafile zulmat ki wadiyon mein rawan

    charagh-e-rah kiye KHun-chakan jabinon ko

    tujhe na mane koi tujh ko is se kya 'majruh'

    chal apni rah bhaTakne de nukta-chinon ko

    RECITATIONS

    Nomaan Shauque

    Nomaan Shauque

    Nomaan Shauque

    Dara ke mauj o talatum se ham-nashinon ko Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY