Dara rahi thi mujhe aur Dar liya maine

Darā rahī thī mujhe aur Dar liyā maiñ ne

phir ek roz mohabbat kā sar liyā maiñ ne

kisī se māñgī musalsal rasad aziyyat kī

phir apne saa.e ko dīvār kar liyā maiñ ne

pahan rahe the kisī ġham kā pairahan kuchh log

agarche mahñgā paḌā mujh ko par liyā maiñ ne

baġhair udāsī munāsib nahīñ thā ghar jaanā

ye intizām use chhū ke kar liyā maiñ ne

tamām ho ga.ī mujh par kisī kī hujjat dost

jahāñ nahīñ thā bipharnā biphar liyā maiñ ne

Dara rahi thi mujhe aur Dar liya main ne

phir ek roz mohabbat ka sar liya main ne

kisi se mangi musalsal rasad aziyyat ki

phir apne sae ko diwar kar liya main ne

pahan rahe the kisi gham ka pairahan kuchh log

agarche mahnga paDa mujh ko par liya main ne

baghair udasi munasib nahin tha ghar jaana

ye intizam use chhu ke kar liya main ne

tamam ho gai mujh par kisi ki hujjat dost

jahan nahin tha bipharna biphar liya main ne