Daraegi bhala kya teri gardish aasman mujhko

Darā.egī bhalā kyā terī gardish āsmāñ mujh ko

milā rab se duā-e-fātima kā sā.ebāñ mujh ko

chalī hai chhoḌ kar tū kyuuñ bahār-e-gulsitāñ mujh ko

ḳhudā jaane kahāñ le jaa.e ab bād-e-ḳhizāñ mujh ko

maiñ shukr-e-rab kā qaa.il huuñ havā kaisī hī chaltī ho

pata āsāniyoñ kā de ga.iiñ haiñ saḳhtiyāñ mujh ko

jalā dūñgā husūl-e-manzil-e-maqsūd kī ḳhātir

jalānī paḌ ga.iiñ gar saarī apnī kashtiyāñ mujh ko

na sham'-e-anjuman meñ huuñ na parvānoñ kā mela hai

kahāñ thā maiñ kahāñ le aa.ī hai umr-e-ravāñ mujh ko

sunā hai sab bhulā baiThe 'adīl'-e-dil-shikasta ko

na jaane aa rahī haiñ shaam se kyuuñ hichkiyāñ mujh ko

Daraegi bhala kya teri gardish aasman mujh ko

mila rab se dua-e-fatima ka saeban mujh ko

chali hai chhoD kar tu kyun bahaar-e-gulsitan mujh ko

KHuda jaane kahan le jae ab baad-e-KHizan mujh ko

main shukr-e-rab ka qail hun hawa kaisi hi chalti ho

pata aasaniyon ka de gain hain saKHtiyan mujh ko

jala dunga husul-e-manzil-e-maqsud ki KHatir

jalani paD gain gar sari apni kashtiyan mujh ko

na sham'-e-anjuman mein hun na parwanon ka mela hai

kahan tha main kahan le aai hai umr-e-rawan mujh ko

suna hai sab bhula baiThe 'adil'-e-dil-shikasta ko

na jaane aa rahi hain sham se kyun hichkiyan mujh ko