dard aisa diya ehsas-e-wafa ne hum ko

dard aisā diyā ehsās-e-vafā ne ham ko

na davā ne hī shifā dī na duā ne ham ko

ye to sahrā kī havā.eñ haiñ gila kyā un kā

ḳhuub jhulsāyā hai gulshan kī sabā ne ham ko

soz-e-āfāq kā ehsās bhī ham ko na huā

itnā behosh kiyā terī adā ne ham ko

duur hotā hī gayā chehra-e-manzil ham se

raah dikhlā.ī hai vo rāh-numā ne ham ko

dekhtī hī rahī ye aql tamāshā-e-junūñ

jab bhī majbūr kiyā ahd-e-vafā ham ko

zulf-e-idrāk chhupātī ruḳh-e-hastī kab tak

āḳhirash thaam liyā dast-e-fazā ne ham ko

Duubī kashtī jo hamārī lab-e-sāhil 'ḳhālid'

nā-ḳhudā ne nahīñ dekhā ki ḳhudā ne ham ko

dard aisa diya ehsas-e-wafa ne hum ko

na dawa ne hi shifa di na dua ne hum ko

ye to sahra ki hawaen hain gila kya un ka

KHub jhulsaya hai gulshan ki saba ne hum ko

soz-e-afaq ka ehsas bhi hum ko na hua

itna behosh kiya teri ada ne hum ko

dur hota hi gaya chehra-e-manzil hum se

rah dikhlai hai wo rah-numa ne hum ko

dekhti hi rahi ye aql tamasha-e-junun

jab bhi majbur kiya ahd-e-wafa hum ko

zulf-e-idrak chhupati ruKH-e-hasti kab tak

aaKHirash tham liya dast-e-faza ne hum ko

Dubi kashti jo hamari lab-e-sahil 'KHalid'

na-KHuda ne nahin dekha ki KHuda ne hum ko