dard dab jae kisi taur na aansu aae

dard dab jaa.e kisī taur na aañsū aa.e

jazba-e-dil pe batā kis tarah qaabū aa.e

tīrgī in ko miTāne pe kamar-basta thī

phir bhī jañgal meñ chamakte hue jugnū aa.e

dil ke sahrā meñ bahut tej kulāñche bharte

shaam hote hī tirī yādoñ ke aahū aa.e

tere ehsās meñ Dūbūñ to mahak jaa.e dimāġh

tujh ko sochūñ to mire jism meñ ḳhushbū aa.e

ai ḳhudā ḳhair salāmat rahe gardan merī

mere kāñdhe pe phir ik shaḳhs ke baazū aa.e

kuchh to ho aisā mire dost ki ye raat kaTe

chain bīmār ke dil ko kisī pahlū aa.e

dard dab jae kisi taur na aansu aae

jazba-e-dil pe bata kis tarah qabu aae

tirgi in ko miTane pe kamar-basta thi

phir bhi jangal mein chamakte hue jugnu aae

dil ke sahra mein bahut tej kulanche bharte

sham hote hi teri yaadon ke aahu aae

tere ehsas mein Dubun to mahak jae dimagh

tujh ko sochun to mere jism mein KHushbu aae

ai KHuda KHair salamat rahe gardan meri

mere kandhe pe phir ek shaKHs ke bazu aae

kuchh to ho aisa mere dost ki ye raat kaTe

chain bimar ke dil ko kisi pahlu aae