dard dil mein jawan hota hai

dard dil meñ javān hotā hai

phir koī mehrbān hotā hai

dekhte haiñ koī hasīñ chehra

aap kā hī gumān hotā hai

ban-sañvar ke vo jab nikalte haiñ

dil zarā be-īmān hotā hai

ḳhud-ba-ḳhud paañv udhar hī uThte haiñ

jahāñ terā makān hotā hai

roz ek kashmakash sī rahtī hai

roz ek imtihān hotā hai

jitne ehsāñ vo dil pe karte haiñ

utnā ye be-zabān hotā hai

bazm meñ ġhair ban ke baiThe ho

yuuñ koī bad-gumān hotā hai

maiñ ġhazal us ko hī sunātā huuñ

jo mirā qadr-dān hotā hai

rahūñ chāhe jahāñ meñ ai 'sāgar'

dil meñ hindostān hotā hai

dard dil mein jawan hota hai

phir koi mehrban hota hai

dekhte hain koi hasin chehra

aap ka hi guman hota hai

ban-sanwar ke wo jab nikalte hain

dil zara be-iman hota hai

KHud-ba-KHud panw udhar hi uThte hain

jahan tera makan hota hai

roz ek kashmakash si rahti hai

roz ek imtihan hota hai

jitne ehsan wo dil pe karte hain

utna ye be-zaban hota hai

bazm mein ghair ban ke baiThe ho

yun koi bad-guman hota hai

main ghazal us ko hi sunata hun

jo mera qadr-dan hota hai

rahun chahe jahan mein ai 'sagar'

dil mein hindostan hota hai