dard-e-āġhāz-e-mohabbat kā ab anjām nahīñ
zindagī kyā hai agar maut kā paiġhām nahīñ
kījiye ġhaur to har lazzat-e-duniyā hai fareb
kaun daana hai yahāñ par jo tah-e-dām nahīñ
hai tanazzul ki zamāne ne taraqqī kī hai
kufr vo kufr ab islām vo islām nahīñ
kaun āzād nahīñ halqa-bagoshoñ meñ tire
naqsh kis dil ke nagīne pe tirā naam nahīñ
nā-rasīda hai tirā meva-e-jannat zāhid
puḳhta maġhzoñ ko talāsh-e-samr-e-ḳhām nahīñ
yahī jannat hai jo hāsil ho sukūn-e-ḳhātir
aur dozaḳh yahī duniyā agar ārām nahīñ
sher-goī ke liye bas vahī mauzūñ hai 'safī'
jis ko juz fikr-e-suḳhan aur koī kaam nahīñ
dard-e-aghaz-e-mohabbat ka ab anjam nahin
zindagi kya hai agar maut ka paigham nahin
kijiye ghaur to har lazzat-e-duniya hai fareb
kaun dana hai yahan par jo tah-e-dam nahin
hai tanazzul ki zamane ne taraqqi ki hai
kufr wo kufr ab islam wo islam nahin
kaun aazad nahin halqa-bagoshon mein tere
naqsh kis dil ke nagine pe tera nam nahin
na-rasida hai tera mewa-e-jannat zahid
puKHta maghzon ko talash-e-samr-e-KHam nahin
yahi jannat hai jo hasil ho sukun-e-KHatir
aur dozaKH yahi duniya agar aaram nahin
sher-goi ke liye bas wahi mauzun hai 'safi'
jis ko juz fikr-e-suKHan aur koi kaam nahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.