aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dard-e-dil roen kis ummid pe begane se

Yagana Changezi

dard-e-dil roen kis ummid pe begane se

Yagana Changezi

MORE BYYagana Changezi

    dard-e-dil ro.eñ kis ummīd pe begāne se

    sub.h hone nahīñ yaas is afsāne se

    koī itnā bhī nahīñ aap se ġhībat kare

    kāñTe paḌte haiñ zabāñ meñ mire afsāne se

    dast-e-gustāḳh se mumkin nahīñ ārā.ish-e-husn

    gesū-e-yār sañvarne ke nahīñ shāne se

    dāman-e-bād-e-bahārī hai garebāñ pe nisār

    aatī hai bū-e-mohabbat tire dīvāne se

    phir vahī kūcha vahī dar vahī saudā vahī sar

    khīñch laayā hai ye dil phir mujhe vīrāne se

    aaj chhūTe jo kal chhuTtā ho ye dair-e-ḳharāb

    vahshat-ābād-e-jahāñ kam nahīñ vīrāne se

    havas-e-ālam-e-bālā ne kiyā hai dil tañg

    ruuh ghabrā ga.ī ab jism ke kāshāne se

    apnī parchhā.īñ se dīvānoñ ko nafrat rahī

    jīte-jī nikle na zindāñ ke siyah-ḳhāne se

    husn-e-ma.anī ke jo shaidā haiñ udhar kyā dekheñ

    sūrat-e-ābād jahāñ kam nahīñ vīrāne se

    jān-e-man ma.arifat us husn āsān nahīñ

    daad kyā chāhte ho tum kisī begāne se

    kaifiyyat se kabhī ḳhālī nahīñ dil mastoñ

    hū-ba-hū miltā hai saaqī tire paimāne se

    sāqiyā dil havas miT na sakī piirī meñ

    pyaas bujhtī nahīñ TuuTe hue paimāne se

    aag meñ kuud paḌā dil lagī vo shai hai

    ātish-e-shauq ko pūchhe koī parvāne se

    aur parde mulāqāt karegī andher

    sham.a kyuuñ chhuptī hai fānūs meñ parvāne se

    nāsehā hai koī aisā ki sambhāle mujh ko

    laḌ ga.ī aañkh mirī phir kisī mastāne se

    duur se dekhne ke 'yās' gunahgār haiñ bas

    āshnā tak na hue lab kabhī paimāne se

    jaam labrez huā hai kisī mahjūr aaj

    bū-e-ḳhūñ aatī hai saaqī tire paimāne se

    pahle sargoshiyāñ thiiñ chhā gayā ab sannāTā

    bazm meñ sub.h huī 'yās' ke afsāne se

    masnad-e-ātish-e-maġhfūr mubārak ho 'yās'

    aa.e sannāTe meñ 'ġhālib' tire afsāne se

    dard-e-dil roen kis ummid pe begane se

    subh hone ki nahin yas is afsane se

    koi itna bhi nahin aap se ghibat hi kare

    kanTe paDte hain zaban mein mere afsane se

    dast-e-gustaKH se mumkin nahin aaraish-e-husn

    gesu-e-yar sanwarne ke nahin shane se

    daman-e-baad-e-bahaari hai gareban pe nisar

    aati hai bu-e-mohabbat tere diwane se

    phir wahi kucha wahi dar wahi sauda wahi sar

    khinch laya hai ye dil phir mujhe virane se

    aaj hi chhuTe jo kal chhuTta ho ye dair-e-KHarab

    wahshat-abaad-e-jahan kam nahin virane se

    hawas-e-alam-e-baala ne kiya hai dil tang

    ruh ghabra gai ab jism ke kashane se

    apni parchhain se diwanon ko nafrat hi rahi

    jite-ji nikle na zindan ke siyah-KHane se

    husn-e-mani ke jo shaida hain udhar kya dekhen

    surat-e-abaad jahan kam nahin virane se

    jaan-e-man marifat us husn ki aasan nahin

    dad kya chahte ho tum kisi begane se

    kaifiyyat se kabhi KHali nahin dil maston ka

    hu-ba-hu milta hai saqi tere paimane se

    saqiya dil ki hawas miT na saki piri mein

    pyas bujhti nahin TuTe hue paimane se

    aag mein kud paDa dil ki lagi wo shai hai

    aatish-e-shauq ko puchhe koi parwane se

    aur parde ki mulaqat karegi andher

    shama kyun chhupti hai fanus mein parwane se

    naseha hai koi aisa ki sambhaale mujh ko

    laD gai aankh meri phir kisi mastane se

    dur se dekhne ke 'yas' gunahgar hain bas

    aashna tak na hue lab kabhi paimane se

    jam labrez hua hai kisi mahjur ka aaj

    bu-e-KHun aati hai saqi tere paimane se

    pahle sargoshiyan thin chha gaya ab sannaTa

    bazm mein subh hui 'yas' ke afsane se

    masnad-e-atish-e-maghfur mubarak ho 'yas'

    aae sannaTe mein 'ghaalib' tere afsane se

    Source:

    Kulliyat-e-Yagana (Pg. 157)

    • Author: Meerza Yagana Changezi Lukhnawi
      • Edition: 2005
      • Publisher: Farib Book Depot (P) Ltd.
      • Year of Publication: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now