dard ek dost purana hi nahin
dard ik dost purānā hī nahīñ
dil kī zīnat hai ḳhazāna hī nahīñ
tum bhī raazī ho jahāñ bhī raazī
koī jiine kā bahāna hī nahīñ
ek bas ham hī lage ham ko sharīf
ye sharāfat kā zamāna hī nahīñ
aise dekhā hai palaT kar us ne
jaise ab lauT ke aanā hī nahīñ
maiñ ne Tokā thā ki had hotī hai
aur zālim ne ye maanā hī nahīñ
ujḌe maskan meñ bhaTaktā muztar
dard kā koī Thikāna hī nahīñ
hai kamāñ aur 'sabā' tiir 'abas
sāmne koī nishāna hī nahīñ
dard ek dost purana hi nahin
dil ki zinat hai KHazana hi nahin
tum bhi raazi ho jahan bhi raazi
koi jine ka bahana hi nahin
ek bas hum hi lage hum ko sharif
ye sharafat ka zamana hi nahin
aise dekha hai palaT kar us ne
jaise ab lauT ke aana hi nahin
main ne Toka tha ki had hoti hai
aur zalim ne ye mana hi nahin
ujDe maskan mein bhaTakta muztar
dard ka koi Thikana hi nahin
hai kaman aur 'saba' tir 'abas
samne koi nishana hi nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
