dard in dinon yun chehra-e-alam pe saja hai

Zaheer Fatehpuri

dard in dinon yun chehra-e-alam pe saja hai

Zaheer Fatehpuri

MORE BYZaheer Fatehpuri

    dard in dinoñ yuuñ chehra-e-ālam pe sajā hai

    har shaḳhs ne jaise mirā ġham baañT liyā hai

    har aan tire tan meñ vo jaadū rachā hai

    jo vasl lamha hai vo sahrā ghaTā hai

    ik umr ke ba.ad aaj yakāyak jo mile ho

    vo sail-e-masarrat hai ki dil Duub gayā hai

    vo baat jo sun paao to pahroñ tumheñ taḌpā.e

    ik lamhe tanhā.ī ne jo mujh se kahā hai

    ho dost ki dil koī chhupā.e nahīñ chhuptā

    har choT ke pahlū meñ ik ā.īna lagā hai

    jañgal the junūñ-ḳhez hue shahr bhī vīrāñ

    sannāTe meñ har qarya-e-dil jaag gayā hai

    kyā kis se gilā kījiye ḳhud ham nahīñ apne

    duniyā 'zahīr' in dinoñ kyā haal huā hai

    dard in dinon yun chehra-e-alam pe saja hai

    har shaKHs ne jaise mera gham banT liya hai

    har aan tere tan mein wo jadu sa racha hai

    jo wasl ka lamha hai wo sahra ki ghaTa hai

    ek umr ke baad aaj yakayak jo mile ho

    wo sail-e-masarrat hai ki dil Dub gaya hai

    wo baat jo sun pao to pahron tumhein taDpae

    ek lamhe ki tanhai ne jo mujh se kaha hai

    ho dost ki dil koi chhupae nahin chhupta

    har choT ke pahlu mein ek aaina laga hai

    jangal the junun-KHez hue shahr bhi viran

    sannaTe mein har qarya-e-dil jag gaya hai

    kya kis se gila kijiye KHud hum nahin apne

    duniya ka 'zahir' in dinon kya haal hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY