dard jab dil mein sama jata hai
dard jab dil meñ samā jaatā hai
lazzat-e-zīst baḌhā jaatā hai
ḳhūn-e-ma.asūm se dīvāroñ par
ġham kā afsāna likhā jaatā hai
ab to har jazba-e-bebāk kā bhī
hausla past huā jaatā hai
jaane kyuuñ mujh ko hayā aatī hai
vaar jab un kā ḳhatā jaatā hai
ġham-e-ayyām kā har ik manzar
shiddat-e-dard baḌhā jaatā hai
rafta rafta dil-e-dīvāna bhī
mahram-e-rāz huā jaatā hai
be-gunāhoñ kā bhī ab to 'fāriġh'
jiinā dushvār huā jaatā hai
dard jab dil mein sama jata hai
lazzat-e-zist baDha jata hai
KHun-e-masum se diwaron par
gham ka afsana likha jata hai
ab to har jazba-e-bebak ka bhi
hausla past hua jata hai
jaane kyun mujh ko haya aati hai
war jab un ka KHata jata hai
gham-e-ayyam ka har ek manzar
shiddat-e-dard baDha jata hai
rafta rafta dil-e-diwana bhi
mahram-e-raaz hua jata hai
be-gunahon ka bhi ab to 'farigh'
jina dushwar hua jata hai
Source:
Ehsasat-e-Farigh (Pg. 112)
- Author: Laxmi Narayan Farigh
-
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
