dard kā koī ham-navā bhī nahīñ
ḳhvāb kyā ab to rat-jagā bhī nahīñ
chāñd taare haiñ dastaras meñ tirī
merī qismat meñ ik diyā bhī nahīñ
jis kī chāhat meñ ġharq huuñ logo
be-ḳhabar vo ye jāntā bhī nahīñ
jān-e-jāñ dekh tere jaane se
rang be-rang haiñ ziyā bhī nahīñ
maiñ vo hirmāñ-nasīb huuñ jis ke
haath ḳhālī haiñ aur duā bhī nahīñ
dard ka koi ham-nawa bhi nahin
KHwab kya ab to rat-jaga bhi nahin
chand tare hain dastaras mein teri
meri qismat mein ek diya bhi nahin
jis ki chahat mein gharq hun logo
be-KHabar wo ye jaanta bhi nahin
jaan-e-jaan dekh tere jaane se
rang be-rang hain ziya bhi nahin
main wo hirman-nasib hun jis ke
hath KHali hain aur dua bhi nahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.