dard ko rahne bhi de dil mein dawa ho jaegi

Hakim Mohammad Ajmal Khan Shaida

dard ko rahne bhi de dil mein dawa ho jaegi

Hakim Mohammad Ajmal Khan Shaida

MORE BY Hakim Mohammad Ajmal Khan Shaida

    dard ko rahne bhī de dil meñ davā ho jā.egī

    maut aa.egī to ai hamdam shifā ho jā.egī

    hogī jab nāloñ apne zer gardūñ bāz-gasht

    mere dard-e-dil shohrat jā-ba-jā ho jā.egī

    kū-e-jānāñ meñ use hai sajda-rezī jo shauq

    merī peshānī rahīn-e-naqsh-e-pā ho jā.egī

    kākul-e-pechāñ haTā kar ruḳh se aao sāmne

    parda-dār-e-husn mahfil meñ ziyā ho jā.egī

    jab ye samjhūñgā ki merī ziist hai mamnūn-e-marg

    maut merī zindagī aasrā ho jā.egī

    intizār-e-vasl karnā umr bhar mumkin to hai

    go nahīñ mālūm hālat kyā se kyā ho jā.egī

    mohtasib aur ham haiñ donoñ muttafiq is baab meñ

    barmalā jo mai-kashī ho be-riyā ho jā.egī

    maiñ abhī se jaan de dūñgā jo rāh-e-ishq meñ

    intihā majnūñ merī ibtidā ho jā.egī

    faash rāz-e-dil nahīñ kartā magar ye Dar to hai

    be-ḳhudī meñ aah lab se āshnā ho jā.egī

    bāryāb-e-ḳhvāb-gāh-e-nāz hone do use

    un zulfoñ meñ pareshāñ ḳhud sabā ho jā.egī

    maqsad-e-ulfat ko kar lo pahle 'shaidā' dil-nashīñ

    varna har āh-o-fuġhāñ be-mudda.ā ho jā.egī

    dard ko rahne bhi de dil mein dawa ho jaegi

    maut aaegi to ai hamdam shifa ho jaegi

    hogi jab nalon ki apne zer gardun baz-gasht

    mere dard-e-dil ki shohrat ja-ba-ja ho jaegi

    ku-e-jaanan mein use hai sajda-rezi ka jo shauq

    meri peshani rahin-e-naqsh-e-pa ho jaegi

    kakul-e-pechan haTa kar ruKH se aao samne

    parda-dar-e-husn mahfil mein ziya ho jaegi

    jab ye samjhunga ki meri zist hai mamnun-e-marg

    maut meri zindagi ka aasra ho jaegi

    intizar-e-wasl karna umr bhar mumkin to hai

    go nahin malum haalat kya se kya ho jaegi

    mohtasib aur hum hain donon muttafiq is bab mein

    barmala jo mai-kashi ho be-riya ho jaegi

    main abhi se jaan de dunga jo rah-e-ishq mein

    intiha majnun ki meri ibtida ho jaegi

    fash raaz-e-dil nahin karta magar ye Dar to hai

    be-KHudi mein aah lab se aashna ho jaegi

    baryab-e-KHwab-gah-e-naz hone do use

    un ki zulfon mein pareshan KHud saba ho jaegi

    maqsad-e-ulfat ko kar lo pahle 'shaida' dil-nashin

    warna har aah-o-fughan be-muddaa ho jaegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites