dard-o-gham aaj bhi hai aah-o-fughan aaj bhi hai

dard-o-ġham aaj bhī hai āh-o-fuġhāñ aaj bhī hai

tīrgī kā vahī sailāb-e-ravāñ aaj bhī hai

ai masīhā nafso tum ko ḳhabar hai ki nahīñ

dil kī bastī se mire uThtā dhuāñ aaj bhī hai

hai ġhalat da.avā-e-mashshātgī-e-kākul-e-dahr

gesū-e-zīst pareshān yahāñ aaj bhī hai

kyoñ sar-e-shām mizha se mirī taare TuuTe

chāñdnī kā vahī pur-kaif samāñ aaj bhī hai

de ḳhabar jā ke koī shahr-e-butāñ meñ ki 'nadīm'

qadr-dān-e-sitam-e-gul-badnāñ aaj bhī hai

dard-o-gham aaj bhi hai aah-o-fughan aaj bhi hai

tirgi ka wahi sailab-e-rawan aaj bhi hai

ai masiha nafso tum ko KHabar hai ki nahin

dil ki basti se mere uThta dhuan aaj bhi hai

hai ghalat dawa-e-mashshatgi-e-kakul-e-dahr

gesu-e-zist pareshan yahan aaj bhi hai

kyon sar-e-sham mizha se meri tare TuTe

chandni ka wahi pur-kaif saman aaj bhi hai

de KHabar ja ke koi shahr-e-butan mein ki 'nadim'

qadr-dan-e-sitam-e-gul-badnan aaj bhi hai