dard-o-gham aur muflisi achchhi nahin

dard-o-ġham aur muflisī achchhī nahīñ

vaqt kī ye dil-lagī achchhī nahīñ

phuul ban kar vo chaman mahkā.egī

shāḳh se TuuTī kalī achchhī nahīñ

qīmtī sāñsoñ ko maqsad dījiye

be-sabab sī zindagī achchhī nahīñ

aañkh se aañsū chhalak jaate yahāñ

had se zyāda bhī hañsī achchhī nahīñ

dhaḌkaneñ baḌhtī haiñ un ko dekh kar

dil se dil kī muḳhbirī achchhī nahīñ

aadmī ban kar raho do-chār din

sau baras kī zindagī achchhī nahīñ

log kahte aadmī to Thiik hai

par 'dharam' kī shā.erī achchhī nahīñ

dard-o-gham aur muflisi achchhi nahin

waqt ki ye dil-lagi achchhi nahin

phul ban kar wo chaman mahkaegi

shaKH se TuTi kali achchhi nahin

qimti sanson ko maqsad dijiye

be-sabab si zindagi achchhi nahin

aankh se aansu chhalak jate yahan

had se zyaada bhi hansi achchhi nahin

dhaDkanen baDhti hain un ko dekh kar

dil se dil ki muKHbiri achchhi nahin

aadmi ban kar raho do-chaar din

sau baras ki zindagi achchhi nahin

log kahte aadmi to Thik hai

par 'dharam' ki shaeri achchhi nahin