dard paya hai to ek dard aashna bhi chahiye

dard paayā hai to ik dard āshnā bhī chāhiye

pattharoñ ke is nagar meñ aa.ina bhī chāhiye

jis kī mahfil meñ sunā.ī diiñ qayāmat ke hurūf

ek aisā paikar-e-saut-o-sadā bhī chāhiye

maiñ to vo insān huuñ jis kī vafā se hai ġharaz

ba.az logoñ ko magar dād-e-vafā bhī chāhiye

ḳhāk-dāñ par zulm hai bechārgī hai ḳhauf hai

charḳh par ik mālik-e-arz-o-samāñ bhī chāhiye

in dinoñ yuuñ to hai sab ko sañg ho jaane kā shauq

ā.ina-ḳhāne meñ rahne kī jagah bhī chāhiye

rut badalne se nahīñ 'bedī' kisī ko bhī ġharaz

sab ko lekin kuchh alag āb-o-havā bhī chāhiye

dard paya hai to ek dard aashna bhi chahiye

pattharon ke is nagar mein aaina bhi chahiye

jis ki mahfil mein sunai din qayamat ke huruf

ek aisa paikar-e-saut-o-sada bhi chahiye

main to wo insan hun jis ki wafa se hai gharaz

baz logon ko magar dad-e-wafa bhi chahiye

KHak-dan par zulm hai bechaargi hai KHauf hai

charKH par ek malik-e-arz-o-saman bhi chahiye

in dinon yun to hai sab ko sang ho jaane ka shauq

aaina-KHane mein rahne ki jagah bhi chahiye

rut badalne se nahin 'bedi' kisi ko bhi gharaz

sab ko lekin kuchh alag aab-o-hawa bhi chahiye