dard to zaKHm ki paTTi ke haTane se uTha
dard to zaḳhm kī paTTī ke haTāne se uThā
aur kuchh aur bhī marham ke lagāne se uThā
us ke alfāz-e-tasallī ne rulāyā mujh ko
kuchh ziyāda hī dhuāñ aag bujhāne se uThā
ahd-e-māzī bhī to be-dāġh nahīñ kyuuñ kahiye
pāsdārī kā chalan aaj zamāne se uThā
vaj.h mumkin hai koī aur ho maiñ ye samjhā
vo tirī bazm meñ shāyad mire aane se uThā
zulf-e-zholīda to zebā.ish-e-ruḳhsār huī
mas.ala saarā faqat ik tire shāne se uThā
apnī pā-mardī pe vo shaḳhs bhī nāzāñ hai 'zahīr'
jo girāne se girā aur uThāne se uThā
dard to zaKHm ki paTTi ke haTane se uTha
aur kuchh aur bhi marham ke lagane se uTha
us ke alfaz-e-tasalli ne rulaya mujh ko
kuchh ziyaada hi dhuan aag bujhane se uTha
ahd-e-mazi bhi to be-dagh nahin kyun kahiye
pasdari ka chalan aaj zamane se uTha
wajh mumkin hai koi aur ho main ye samjha
wo teri bazm mein shayad mere aane se uTha
zulf-e-zholida to zebaish-e-ruKHsar hui
masala sara faqat ek tere shane se uTha
apni pa-mardi pe wo shaKHs bhi nazan hai 'zahir'
jo girane se gira aur uThane se uTha
Source:
Roshan Waraq Waraq (Pg. 50)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
