dariche so gae shab jagti hai
darīche so ga.e shab jāgtī hai
mere kamre meñ kaisī ḳhāmushī hai
jidhar dekho fasurda zindagī hai
mujhe lagtā hai ye ġham kī sadī hai
jo rastoñ meñ bhaTaktī phir rahī hai
ise pahchān fikr-e-zindagī hai
samundar kā tamavvuj abr-o-bārāñ
zamīñ ke dil meñ phir bhī tishnagī hai
har ik lamha hamārā ḳhūn-e-tāza
mohabbat joñk ban kar chūstī hai
ye sannāTā ye tanhā.ī ye kamra
ḳhayāloñ meñ chuḌail ab nāchtī hai
maiñ 'nayyar' kyā dikhā.ūñ zaḳhm dil kā
kisī kī aañkh ḳhud nam ho ga.ī hai
dariche so gae shab jagti hai
mere kamre mein kaisi KHamushi hai
jidhar dekho fasurda zindagi hai
mujhe lagta hai ye gham ki sadi hai
jo raston mein bhaTakti phir rahi hai
ise pahchan fikr-e-zindagi hai
samundar ka tamawwuj abr-o-baran
zamin ke dil mein phir bhi tishnagi hai
har ek lamha hamara KHun-e-taza
mohabbat jonk ban kar chusti hai
ye sannaTa ye tanhai ye kamra
KHayalon mein chuDail ab nachti hai
main 'nayyar' kya dikhaun zaKHm dil ka
kisi ki aankh KHud nam ho gai hai
Source:
Saye Babool Ke (Pg. 64)
- Author: Azhar Naiyyar
-
- Edition: 2014
- Publisher: Educational Publishing House
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
