dariya-e-mohabbat mein maujen hain na dhaara hai

dariyā-e-mohabbat meñ maujeñ haiñ na dhārā hai

yuuñ shauq-e-marātib ne pastī meñ utārā hai

is shahr-e-taġhāful meñ ham kis ko kaheñ apnā

vo shahr jo duniyā meñ kahne ko hamārā hai

āñkhoñ meñ kabhī the ab, hāthoñ meñ haiñ bachchoñ ke

sūraj hai ki chandā hai, jugnū hai ki taarā hai

vo husn-e-mujassam jab guzrā hai chaman se tab

ḳhud apnā sarāpā bhī phūloñ ne sañvārā hai

aa jaate ho kyuuñ āḳhir yuuñ ḳhvāb na.e le kar

is shahr-e-tazabzub meñ kyā hai jo tumhārā hai

mar.ūb huiiñ qadreñ jab apnī yahāñ, ham ne

maġhrib ke darīchoñ se mashriq ko ubhārā hai

ab jaa.eñ to pahchāne shāyad hī vahāñ koī

vo des jahāñ ham ne ik arsa guzārā hai

naale to kahīñ āheñ, ik hashr sā hai har sū

hai kaun jo duniyā se is tarah sidhārā hai

ham rahne lage 'ḳhālid' ḳhvāboñ ke jazīroñ meñ

pūchhā thā kabhī us ne kyā naam tumhārā hai

dariya-e-mohabbat mein maujen hain na dhaara hai

yun shauq-e-maraatib ne pasti mein utara hai

is shahr-e-taghaful mein hum kis ko kahen apna

wo shahr jo duniya mein kahne ko hamara hai

aankhon mein kabhi the ab, hathon mein hain bachchon ke

suraj hai ki chanda hai, jugnu hai ki tara hai

wo husn-e-mujassam jab guzra hai chaman se tab

KHud apna sarapa bhi phulon ne sanwara hai

aa jate ho kyun aaKHir yun KHwab nae le kar

is shahr-e-tazabzub mein kya hai jo tumhaara hai

marub huin qadren jab apni yahan, hum ne

maghrib ke darichon se mashriq ko ubhaara hai

ab jaen to pahchane shayad hi wahan koi

wo des jahan hum ne ek arsa guzara hai

nale to kahin aahen, ek hashr sa hai har su

hai kaun jo duniya se is tarah sidhaara hai

hum rahne lage 'KHalid' KHwabon ke jaziron mein

puchha tha kabhi us ne kya nam tumhaara hai