dariya mein dasht dasht mein dariya sarab hai
dariyā meñ dasht dasht meñ dariyā sarāb hai
is puurī kā.enāt meñ kitnā sarāb hai
rozāna ik faqīr lagātā hai ye sadā
duniyā sarāb hai are duniyā sarāb hai
muusā ne ek ḳhvāb-e-haqīqat banā diyā
vaise to gahre paanī meñ rasta sarāb hai
puurī tarah se haath meñ aayā nahīñ kabhī
vo husn-e-be-misāl bhī aadhā sarāb hai
khultā nahīñ hai ret hai paanī ki aur kuchh
merī nazar ke sāmne pahlā sarāb hai
suraj kī tez dhuup meñ dhoka har ek shai
kaalī ghaTā sī raat meñ saaya sarāb hai
dariya mein dasht dasht mein dariya sarab hai
is puri kaenat mein kitna sarab hai
rozana ek faqir lagata hai ye sada
duniya sarab hai are duniya sarab hai
musa ne ek KHwab-e-haqiqat bana diya
waise to gahre pani mein rasta sarab hai
puri tarah se hath mein aaya nahin kabhi
wo husn-e-be-misal bhi aadha sarab hai
khulta nahin hai ret hai pani ki aur kuchh
meri nazar ke samne pahla sarab hai
suraj ki tez dhup mein dhoka har ek shai
kali ghaTa si raat mein saya sarab hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
