dariyaon se nur liya aur miTTi ko pur-nur kiya

dariyāoñ se nuur liyā aur miTTī ko pur-nūr kiyā

hariyālī ko dhartī maañ ke māthe kā sindūr kiyā

patthar ko ākār diyā kuchh zevar-shevar laad diyā

aur phir us devī ko apnī rakshā par māmūr kiyā

sūraj taish meñ aa ke saarī fasl jalāne vaalā thā

abr kī talḳh-kalāmī ne is miTTī ko kāfūr kiyā

aazar sañg-tarāshī chhoḌ ke shīshagar ban baiThā thā

ek ajab tahrīk milī aur ḳhud ko chaknā-chūr kiyā

ek shagūfa jhūmar thā gulzār ke chanchal māthe kā

ek kalī ke murjhāne ne bāġhīcha be-nūr kiyā

rāj-kumārī bhiiḌ kī jānib muskā.ī aur lauT ga.ī

jaane kitnoñ ko lalchāyā kitnoñ ko maġhrūr kiyā

dariyaon se nur liya aur miTTi ko pur-nur kiya

hariyali ko dharti man ke mathe ka sindur kiya

patthar ko aakar diya kuchh zewar-shewar lad diya

aur phir us dewi ko apni raksha par mamur kiya

suraj taish mein aa ke sari fasl jalane wala tha

abr ki talKH-kalami ne is miTTi ko kafur kiya

aazar sang-tarashi chhoD ke shishagar ban baiTha tha

ek ajab tahrik mili aur KHud ko chakna-chur kiya

ek shagufa jhumar tha gulzar ke chanchal mathe ka

ek kali ke murjhane ne baghicha be-nur kiya

raj-kumari bhiD ki jaanib muskai aur lauT gai

jaane kitnon ko lalchaya kitnon ko maghrur kiya